4 чекори до одржлив начин на живот
Времето поминува бргу, а понекогаш тоа го сфаќаме доцна. Патот до поубава и посигурна иднина е долг, но позитивната страна е што со секој чекор, со секоја мала одлука можеме драстично да го промениме неговиот правец. Овој факт еднакво важи за околината која што нѐ очекува во иднината, како и за нашата лична финансиска сигурност.
Нашата цел е да создадеме чувство на припадност во заедница која инвестира во подобра иднина за генерациите што доаѓаат, токму затоа сме тука да те насочиме кон едноставни чекори кои ќе ти ја обезбедат иднината што ја посакуваш.
Како до почиста иднина?
Со донесување на мали, но многу одговорни одлуки кон природата.
- Рециклирај правилно
Капацитетите за отпад рециклираат или компостираат само 35% од целиот комунален цврст отпад. Остатокот завршува на депонии и тоа многу често заради неправилна употреба на корпите за рециклирање. Батериите, пластиката, стаклото и производите од хартија мора да се селектираат во посебни канти за да можат правилно да се спроведат во процесот за рециклирање. Следи ги упатствата на пакувањата за да селектираш и рециклираш правилно.
- Чувај ги природните ресурси
Ова се однесува на потрошувачката на вода и струја во домот. Има многу мали промени што можеш да ги направиш за истовремено да го намалиш штетното влијание на природните ресурси и да ги намалиш трошоците за живот. Еве неколку идеи: вклучувај ја машината за миење садови само кога е полна, исклучувај ја чешмата додека ги четкаш забите, кога излегуваш од соба исклучи ги светлата, избирај енергетски ефикасни апарати. Иако овие промени може да ти изгледаат мали и незначителни, знај дека малите промени прават голема разлика. (линк до текстот со овој наслов)
- Најди замена за производите за еднократна употреба
Повеќето производи од нашето секојдневие кои што имаат еднократна употреба може да бидат заменети со исти такви производи кои што не придонесуваат кон зголемување на и така преголемиот отпад. Почни да користиш платнени торби наместо пластични ќеси, замени ги пластичните шишиња за вода со метални или стаклени, користи хартиени или метални сламки, користи платнени салфетки наместо хартиени, избегнувај производи направени или пакувани во пластика секогаш кога е можно.
- Избирај алтернативни решенија за превоз секогаш кога си во можност
Промената на твоите навики за превоз може значително да го намалат штетното влијание на природата, а и на твоето здравје. Секогаш кога можеш пешачи, вози велосипед, користи јавен превоз, а ако треба да користиш автомобил обиди се да ги организираш обврските на начин што ќе го намали бројот на возења.
Како до посигурна иднина?
Со навремено размислување за начинот на кој што управуваш со твоите финансии. Можеби ти изгледа дека е премногу рано да размислуваш за пензионирање, но времето до пензија доаѓа многу побрзо од што очекуваш. Затоа е многу важно да стекнеш навики за штедење. Постојат доброволни пензиски фондови кои се формирани со цел да ти овозможат надополнување на пензијата од првиот и вториот пензиски столб за да ти обезбедат дополнителни примања за старост. Ова се четирите главни продобивки од членувањето во доброволен пензиски столб:
- Дополнителен извор на средства
Со заштедата од третиот пензиски столб си обезбедуваш дополнителен извор на средства независно од пензијата на Фондот за ПИОСМ и задолжителниот пензиски фонд во кој членуваш. Твојата акумулирана пензија ќе зависи од висината на доброволниот придонес што го уплатуваш и периодот на штедење.
2. Флексибилно штедење
Во доброволните пензиски фондови уплаќаш колку што можеш и кога сакаш.
3. Можност за користење на средствата
Без разлика кога планираш да се пензионираш, средствата од доброволниот пензиски фонд можеш да ги повлечеш најрано десет години пред возраста за стекнување право на старосна пензија во согласност со Законот за пензиско и инвалидско осигурување. Исто така, средствата можат да се повлечат во случај кога кај членот е утврдена општа неспособност за работа од страна на Комисија за оцена на работната способност при Фондот на пензиското и инвалидското осигурување на Северна Македонија, без оглед на возраста.
4. Наследна компонента
Во случај на смрт на член или пензиониран член на доброволен пензиски фонд, средствата од сметката на тој член може да се исплатат како наследство.
Се надеваме дека ти помогнавме со корисни совети и информации. Прочитај ги и другите едукативни објави и следи нѐ на на Фејсбук и Инстаграм, би ни било драго доколку се вклучиш во нашата капања за одржлива иднина со твои идеи и решенија.
Супервизор на капитално финансирано пензиско осигурување е Агенција за супервизија на капитално финансирано пензиско осигурување (МАПАС) (02) 3224 229, www.mapas.mk
