Правила за учество на едукативниот квиз ,,Размисли пред да одлучиш да „следиш“, за идната безбедност на твоите пари“

Воведни одредби

Со овие Правила се утврдува начин на спроведување на едукативниот квиз „Размисли пред да одлучиш да „следиш“, за идната безбедност на твоите пари“ што се организирани од страна на:

Агенција за супервизија на капиталното финансирано пензиско осигурување МАПАС, со седиште на ул. Славко Јанески 100, 1000 Скопје со ЕМБС 5675162 и ЕДБ 4030002455375,
Друштво за управување со задолжителни и доброволни пензиски фондови Сава пензиско друштво А.Д. Скопје, со седиште на ул. Мајка Тереза 1, 1000 Скопје, со ЕМБС 5989434 и ЕДБ 4030005551006,
КБ Прво друштво за управување со задолжителни и доброволни пензиски фондови АД Скопје со седиште на ул. Митрополит Теодосиј Гологанов бр.6, 1000 Скопје, со ЕМБС 5990815 и, ЕДБ 4030005550662,
Друштвo за управување со задолжителни и доброволни пензиски фондови Триглав пензиско друштво АД Скопје со седиште на бул. 8-ми Септември бр.18, кат 2, 1000 Скопје со ЕМБС 7344228 и ЕДБ 4057019545071

Активностите за реализација на едукативниот квиз ќе бидат спроведени во соработка со маркетинг агенцијата ПИКСЕЛ ДОО.

Целта на организирање на едукативниот квиз е подигање на свесноста на јавноста за пензискиот систем во Република Северна Македонија со спроведување на активности во текот на Глобалната недела на парите 2025 година.

2. Име, место и време на одржување на едукативниот квиз

Името на едукативниот квиз е „Размисли пред да одлучиш да „следиш“, за идната безбедност на твоите пари“.

Најавата на едукативниот квиз ќе биде направена еден ден претходно со објава на правилата на квизот, на 2.04.2025 година.

Квизот ќе се спроведува на Фејсбук страницата и Инстаграм профилот на пензија.мк на 03.04.2025 година.

Победниците ќе бидат објавени на 04.04.2025 година.

3. Опис и содржина на начинот врз чија основа се стекнува право на учество во квизот

Основа за учество во квизот е следење на официјалната страница на Фејсбук (www.facebook.com/penzija.mk) и Инстаграм профилот (www.Instagram.com/penzija.mk) што Агенцијата за супервизија на капиталното финансирано пензиско осигурување МАПАС, заедно со пензиските друштва КБ Прво пензиско друштво а.д. Скопје, Сава пензиско друштво а.д. Скопје и Триглав пензиско друштво а.д. Скопје ја користат за заедничките активности во насока на финансиска едукација и писменост.

4. Податоци за наградите

Награди за победниците во квизот се следните:

За прво место, Lenovo таблет.

За второ место, ЈBL wireless слушалки.

За трето место, ранец и едукативни материјали.

5. Право на учество во квизот и избор на добитници на награди/изненадувања

Право на учество во квизот имаат сите граѓани на Република Северна Македонија со наполнети 17 години до 64 години и кои ја следат Фејсбук страницата или Инстаграм профилот на www.penizja.mk.

Вработените во Агенцијата за супервизија на капиталното финансирано пензиско осигурување МАПАС, како и пензиските друштва КБ Прво пензиско друштво а.д. Скопје, Сава пензиско друштво а.д. Скопје и Триглав пензиско друштво а.д. Скопје како и членовите на нивните потесни семејства немаат право на учество во квизот.

Добитници на подароците на квизот се бираат од учесниците на квизот, според ранг листата на Комисијата за избор на добитници на награди.

6. Постапка за избор на добитниците на награди (победници на квизот)

Постапката за избор на победниците на едукативниот квиз, добитници на наградите (подароците) ја води Комисијата за избор на добитници на награди, составена од по еден вработен од Агенцијата за супервизија на капиталното финансирано пензиско осигурување МАПАС и пензиските друштва КБ Прво пензиско друштво а.д. Скопје, Сава пензиско друштво а.д. Скопје и Триглав пензиско друштво а.д. Скопје.

Комисијата составува листа на сите учесници во квизот:

Критериуми:

Да ја следат Фејсбук страницата и Инстаграм профилот www.penizja.mk
Точно да одговорат на најмногу прашања во едукативниот квиз во најкраток временски период.
Прво одговорениот по време.

Комисијата ги потврдува изгенерираните резултати и ги потврдува избраните лица кои ги исполнуваат условите погоре.

За текот на постапката на избор Комисијата составува записник.

7. Објавување на добитниците на наградите

Имињата на добитниците на наградите ќе бидат објавeни во коментари на Фејсбук страницата и Инстаграм профилот на www.penizja.mk истиот ден кога е извршен изборот.

8. Подигање и користење на наградите

Добитниците на наградите ќе можат да ги подигнат наградите лично, во присуство на родител/старател на датум дефиниран во јавната објава за доделување на наградите.

Наградите кои нема да се подигнат на денот на доделувањето, наградениот/негов старател има право да ги подигне во рок од 60 дена од денот на објавување, во просториите на маркетинг агенцијата секој работен ден од 08:00 до 16:00 часот со приложување на документ за идентификација.

Добитниците не може да ги заменат своите награди за паричен износ еднаков на нивната вредност, ниту пак за кој било друг предмет/услуга.

9. Објавување на правилата на квизот

Правилата на квизот ќе бидат објавени на веб-страницата на Организаторот www.penizja.mk, Фејсбук страницата пензија.мк и Инстаграм профилот penzija.mk.

10. Технички и организациски мерки за обезбедување тајност и заштита на обработката на личните податоци од учесниците

Задолжително ќе се применуваат технички и организациски мерки класифицирани на основно ниво. Личните податоци (име, презиме, датум на раѓање, адреса и контакт телефон) се обработуваат на сите испраќачи врз основа на нивна согласност според членот 12 од овие правила.

11. Објавување на лични податоци на добитниците на наградите

Јавно ќе ги објави личните одатоци (име и презиме) на првите три наградени добитници. Обезбедени се технички мерки во однос на објавување на личните податоци на испраќачите така што со внесување на име и презиме на испраќачот (субјектот на лични податоци) и пребарување на search engines како што е Google search или Yahoo, не постои можност да се повлечат податоци за субјектот од содржините кои се поставени на веб страницата, Facebook страницата на penzija.mk и Инстаграм профилот на penzija.mk.

12. Начин на информирање на субјектите на лични податоци

Личните податоци од учесниците ќе се обработуваат за целите на едукативниот квиз од страна на лицата вклучени и ангажирани за спроведување на истиот.

Целите на обработка на личните податоци на учесниците се следни:

Име и презиме – заради овозможување на идентификација и дистинкција на учесниците.

Датум на раѓање – заради утврдување на правото на учество во едукативниот квиз.

Контакт телефон – потребен за информирање на учесницкот доколку истиот е награден со некоја од горенаведените награди.

Учесниците (Субјекти на лични податоци) имаат право да побараат информирање од спроведувачот (маркетинг агенцијата) во однос на обработката на лични податоци.

Контролорот е должен да даде соодветен одговор за секое прашање поврзано со заштитата, обработката и чувањето на личните податоци.

Контролорот има право на пристап до личните податоци кои се собираат во базата. При настаната грешка во објавувањето на личните податоци, Контролорот има право на исправка на истите.

13. Рок на чување на личните податоци

Личните податоци ќе бидат уништени од страна на маркетинг агенцијата по завршување и објавување на резултатите на едукативниот квиз со записник во присуство на тричлена комисија.

Наградените добитници, но не и личните податоци на наградените учесници, трајно ќе се чуваат објавени на социјалните мрежи на Пензија.мк.

14. Важност на правилата на едукативниот квиз

Овие официјални правила важат од денот на нивното донесување и истите ќе важат се до завршувањето на едукативниот квиз. Со учеството во едукативниот квиз секој учесник ги прифаќа сите права и обврски утврдени во овие правила и се согласува на обработка и чување на личните податоци опишани во овие правила.