Edukimi
Rregullat e pjesëmarrjes në kuizin edukativ “Mendo para se të vendosësh të “ndjekësh” për të ardhmen e sigurisë së parave tënde”
1. Dispozitat hyrëse Këto rregulla e përcaktojnë mënyrën e zbatimit të kuizit edukativ “Mendo para se të vendosësh të “ndjekësh” për të ardhmen e sigurisë së parave tënde” që organizohet nga: Agjencia për Supervizion të Sigurimit Pensional me Financim Kapital MAPAS, me seli në rr. Sllavko Janevski 100, 1000 Shkup me NVAS 5675162 dhe NVT 4030002455375, Shoqata për menaxhim me fondet e detyrueshme dhe vullnetare pensionale Sava shoqatë pensionale SH.A. Shkup, me seli në rr. Nënë Tereza 1, 1000 Shkup, me NVAS 5989434 dhe NVT 4030005551006, KP Shoqata e parë për menaxhim me fondet e detyrueshme dhe vullnetare pensionale SHA Shkup, me seli në rr. Mitropolit Teodosij Golloganov nr.6, 1000 Shkup, me NVAS 5990815 dhe NVT 4030005550662, Shoqata për menaxhim me fondet e detyrueshme dhe vullnetare pensionale Trigllav shoqatë pensionale SH.A. Shkup me seli në bul. 8-Të shtatori nr.18, kati 2, 1000 Shkup me NVAS 7344228 dhe NVT 4057019545071 Aktivitetet për realizimin e kuizit edukativ do të zhvillohen në bashkëpunim me agjencinë e marketingut PIKSEL SH.P.K. Qëllimi i organizimit të kuizit edukativ është rritja e ndërgjegjësimit të publikut për sistemin pensional në Republikën e Maqedonisë së Veriut, nëpërmjet realizimit të aktiviteteve gjatë Javës Globale të Parasë 2025. 2. Emri, vendi dhe koha e mbajtjes së kuizit edukativ Emri i kuizit edukativ është “Mendo para se të vendosësh të “ndjekësh” për të ardhmen e sigurisë së parave tënde” Paralajmërimi i kuizit edukativ do të bëhet një ditë më parë me shpalljen e rregullave të kuizit, më 02.04.2025. Kuizi do të zbatohet në faqen në Facebook në пензија.мк dhe në faqën në Instagram në penzija.mk më 03.04.2025. Fituesit do të shpallen më 04.04.2025 3. Përshkrimi dhe përmbajtja e mënyrës në bazë të së cilit do të fitohet e drejta e pjesëmarrjes në këtë kuiz Baza për pjesëmarrje në kuiz është ndjekja e faqes zyrtare në Facebook (www.facebook.com/penzija.mk) ose Instagram (www.Instagram.com/penzija.mk ), të cilën Agjencia për Supervizion të Sigurimit Pensional me Financim Kapital (MAPAS), së bashku me shoqëritë pensionale KB Shoqëria e parë pensionale SHA Shkup, Sava Shoqëri pensionale SHA Shkup dhe Trigllav Shoqëri pensionale SHA Shkup, e përdorin për aktivitetet e përbashkëta në drejtim të edukimit dhe shkrim-leximit financiar. 4. Të dhëna për dhuratat Dhuratat për fituesit në këtë kuiz janë: Për vendin e parë, Tablet Lenovo Për vendin e dytë, kufje JBL wireless Për vendin e tretë, çantë dhe materiale edukative 5. E drejta për të marrë pjesë në këtë kuiz dhe zgjedhja e fituesve të çmimeve/suprizave Të drejtë për të marrë pjesë në këtë kuiz kanë të gjithë qytetarët e Republikës së Maqedonisë së Veriut që kanë mbushur 17 vjet deri në 64 vjet dhe të cilët e ndjekin faqen në Facebook ose Instagram, të www.penizja.mk. Të punësuarit në Agjencinë për Supervizion të Sigurimit Pensional me Financim Kapital (MAPAS), si dhe në shoqëritë pensionale KB Shoqëria e parë pensionale SHA Shkup, Sava Shoqëri pensionale SHA Shkup dhe Trigllav Shoqëri pensionale SHA Shkup, si dhe anëtarët e ngushtë të familjeve të tyre, nuk kanë të drejtë të marrin pjesë në kuiz. Fituesit e dhuratave të kuizit zgjidhen nga pjesëmarrësit e kuizit, sipas listës së renditjes së Komisionit për përzgjedhjen e fituesve të çmimeve. 6. Procedura e përzgjedhjes së fituesve të çmimeve (fituesit e kuizit) Procedura për përzgjedhjen e fituesve të kuizit edukativ – fituesve të çmimeve (dhuratave) drejtohet nga Komisioni për përzgjedhjen e fituesve të çmimeve, i përbërë nga një i punësuar në Agjencinë për Supervizion të Sigurimit Pensional me Financim Kapital (MAPAS), si dhe nga shoqëritë pensionale KB Shoqëria e parë pensionale SHA Shkup, Sava Shoqëri pensionale SHA Shkup dhe Trigllav Shoqëri pensionale SHA Shkup. Komisioni e përpilon listën e të gjithë pjesëmarrësve në kuiz: Kritere: Ta ndjekin faqen në Facebook ose Instagram www.penizja.mk, T’u përgjigjen saktë në më shumë pyetjeve të kuizit edukativ në kohën më të shkurtër të mundshme. I pari që ka dhënë përgjigjet sipas kohës. Komisioni i konfirmon rezultatet e gjeneruara dhe i konfirmon personat e përzgjedhur që plotësojnë kushtet e mësipërme. Për procesin e përzgjedhjes, Komisioni harton procesverbal. 7. Shpallja e fituesve të çmimeve Emrat e fituesve të çmimeve do të shpallen në koment në faqet në Facebook dhe Instagram të www.penizja.mk në të njëjtën ditë kur është bërë përzgjedhja. 8. Marrja dhe përdorimi i dhuratave Fituesit e dhuratave do të mund t’i tërheqin ato personalisht, në prani të prindit/kujdestarit, në datën e përcaktuar në shpalljen publike për dhënien e çmimeve. Çmimet që nuk do të tërhiqen në ditën e dhënies, fituesi/kujdestari i tij ka të drejtë t’i tërheqë brenda 60 ditëve nga dita e shpalljes, në hapësirat e agjencisë së marketingut, çdo ditë pune nga ora 08:00 deri në 16:00, duke paraqitur një dokument identifikimi. Fituesit nuk mund t’i zëvendësojnë çmimet e tyre me një shumë të barabartë parash apo me ndonjë objekt/shërbim tjetër . 9. Shpallja e rregullave të kuizit Rregullat e kuizit do të shpallen në veb-faqen e Organizatorit www.penizja.mk, në faqen në Facebook пензија.мк dhe në profilin në Instagram penzija.mk. 10. Masa teknike dhe organizative për sigurimin e konfidencialitetit dhe mbrojtjen e përpunimit të të dhënave personale të pjesëmarrësve Do të zbatohen detyrimisht masa teknike dhe organizative të klasifikuara në nivel bazë. Të dhënat personale (emri, mbiemri, data e lindjes, adresa dhe numri i kontaktit) përpunohen për të gjithë dërguesit në bazë të pëlqimit të tyre, sipas nenit 12 të këtyre rregullave. 11. Shpallja e të dhënave personale të fituesve të çmimeve Do të shpallen publikisht të dhënat personale (emri dhe mbiemri) të tre fituesve të parë të çmimeve. Janë siguruar masa teknike në lidhje me publikimin e të dhënave personale të dërguesve, në mënyrë që, duke futur emrin dhe mbiemrin e dërguesit (subjektit të të dhënave personale) dhe duke kërkuar në search engines si Google Search ose Yahoo, nuk ekziston mundësia të merren të dhënat e subjektit nga përmbajtjet e postuara në faqen e internetit, në faqen zyrtare në Facebook në пензија.мк dhe në Instagram në penzija.mk. 12. Mënyra e informimit të subjekteve të të dhënave personale Të dhënat personale të pjesëmarrësve do të përpunohen për qëllimet e kuizit edukativ nga personat e përfshirë dhe të angazhuar për realizimin e tij. Qëllimet e përpunimit të të dhënave personale të pjesëmarrësve janë si vijon: Emri dhe mbiemri – për mundësimin e identifikimit dhe dallimit të pjesëmarrësve. Data e lindjes – për përcaktimin e së drejtës për pjesëmarrje në kuizin edukativ. Numri i telefonit – i nevojshëm për informimin e pjesëmarrësit nëse ai/ajo është shpallur fitues i ndonjë prej çmimeve të lartpërmendura. Pjesëmarrësit (subjektet e të dhënave personale) kanë të drejtë të kërkojnë informacion nga organizatori (agjencia e marketingut) në lidhje me përpunimin e të dhënave të tyre personale. Kontrolluesi është i detyruar të japë përgjigje përkatëse për çdo pyetje që lidhet me mbrojtjen, përpunimin dhe ruajtjen e të dhënave personale. Kontrolluesi ka të drejtë të ketë qasje në të dhënat personale që mblidhen në bazën e të dhënave. Në rast të ndonjë gabimi gjatë publikimit të të dhënave personale, kontrolluesi ka të drejtë t'i korrigjojë ato. 13. Afati i ruajtjes së të dhënave personale Të dhënat personale do të fshihen nga agjencia e marketingut pas përfundimit dhe publikimit të rezultateve të kuizit edukativ, me procesverbal në prani të një komisioni prej tre anëtarësh. Fituesit e çmimeve, por jo të dhënat e tyre personale, do të ruhen dhe do të mbeten të publikuar përgjithmonë në rrjetet sociale të Penzija.mk. 14. Vlefshmëria e rregullave të kuizit Këto rregulla zyrtare vlejnë nga dita e miratimit të tyre dhe do të mbeten në fuqi deri në përfundimin e kuizit edukativ. Me pjesëmarrjen në kuizin edukativ, çdo pjesëmarrës i pranon të gjitha të drejtat dhe detyrimet e përcaktuara në këto rregulla dhe dakordohet me përpunimin dhe ruajtjen e të dhënave personale të përshkruara në këto rregulla.
Lexo më shumëFilloi shënimi i Javës Globale të Parasë 2025: “Mendo para se të “ndjekësh”, për sigurinë e parave tënde në të ardhmen!”
Agjencia për mbikëqyrje të financimit kapital të sigurimit pensional – MAPAS si anëtar i Trupit koordinues për edukim financiar dhe përfshirje financiare, e informon publikun se aktivitetet e planifikuara për shënimin e Javës Globale të Parasë fillojnë sot dhe do të realizohen në periudhën e ardhshme deri më 15 prill 2025, në mënyrë të pavarur dhe në bashkëpunim me tri kompanitë pensionale KP Shoqëria e parë pensionale SHA Shkup, SAVA Shoqëri Pensionale SHA Shkup dhe Trigllav Shoqëri Pensionale SHA Shkup. Këtë vit, tema e Javës Globale të Parasë është: “Mendo para se të ndjekësh, për siguri të parave tënde në të ardhmen” (Think before you follow, wise money tomorrow). Tema e zmadhon ndërgjegjësimin për kompleksitetin e tendencave moderne financiare digjitale, shfaqjen e personave që japin këshilla për investimet financiare dhe përdorimin e zmadhuar të inteligjencës artificiale në identifikimin e besueshmërisë së informacionit financiar dhe këshillave, veçanërisht për të rinjtë. Gjatë Javës Globale të Parasë, përfaqësues të Agjencisë do të zhvillojnë aktivitete të ndryshme edukative, duke përfshirë kontakte dhe takime për edukim financiar me qytetarët e interesuar, si dhe do të përditësojnë ueb-faqen edukative Penzija.mk, ku në përputhje me planin do të zhvillohet një QUIZ edukativ onlajn me shpërblime për më të mirët. Këto aktivitete do t’u drejtohen nxënësve, studentëve, të rinjve, por edhe publikut të gjerë, me qëllim që të sigurohet njohuri shoqërore për parimet bazë të planifikimit financiar për sigurimet pensionale dhe menaxhimin e përgjegjshëm të mjeteve personale. Në suaza ndërkombëtare “Java Glovale e Parasë” festohet nga viti 2012, organizuar nga Organizata për Bashkëpunim Ekonomik dhe Zhvillim (OECD), kurse iniciativa e të cilës shënohet në mbi 176 vende në botë dhe me të cilën përfshihen 60 milionë fëmijë dhe të rinj dhe qëllimi i të cilës është të nxiten njohuritë e arsimit financiar si bazë për një stabilitet ekonomik afatgjatë. Më shumë informacione për Javën Globale të Parasë gjeni në: www.globalmoneyweek.org
Lexo më shumëIu përgjigjemi pyetjeve tuaja – pjesa e dytë
Kuptimi i detajeve mbi fondet pensionale dhe sigurimet është kyç për sigurinë financiare. Prandaj, pas pjesës së parë të përgjigjeve, vazhdojmë t’u përgjigjemi pyetjeve tuaja që na i keni dërguar përmes formularit digjital "Bëj pyetje për shoqëritë pensionale". Këtë herë, diskutojmë mbi tema si trashëgimia e mjeteve, kushtet për pensionin familjar dhe çfarë ndodh me paratë tuaja në rast falimentimi të shoqërisë pensionale, me qëllim të ofrimit të informacionit të qartë dhe të dobishëm për të gjitha aspektet e sigurimit pensional. A mund të trashëgoj mjetet që kam paguar në shtyllën e tretë?Mjetet tuaja në shtyllën e tretë janë të trashëgueshme. Nëse ju ndodh diçka, paratë që keni kursyer do t’u kalojnë më të afërmve tuaj. Gjithashtu, nëse pësoni një aftësi të kufizuar para daljes në pension, do të keni mundësi të aksesoni mjetet tuaja më herët, duke siguruar një të ardhur të rëndësishme shtesë. Më shumë informacion mbi shtyllën e tretë pensionale mund të gjeni në këtë link. Cilat janë kushtet për përfitimin e pensionit familjar nga një prind i ndjerë?Fëmijët përfitojnë pension familjar: Deri në moshën 15 vjeçare, dhe nëse janë në shkollim, deri në moshën 26 vjeçare. Si fëmijë në shkollim, sipas këtij ligji, konsiderohet nxënësi në arsimin fillor, arsimin e mesëm, në trajnime profesionale apo punësimi, studenti në një institucion të arsimit të lartë dhe personat në studime pasuniversitare, për aq kohë sa kanë statusin e nxënësit apo studentit sipas statutit të institucionit përkatës arsimor deri në moshën 26 vjeçare.Për më shumë detaje lidhur me pensionin familjar, mund të konsultoni Ligjin për SPI, veçanërisht kapitullin për Pensionin Familjar. Nuk e kuptoj planin pensional për personat juridikë...Plani pensional për personat juridikë është mundësia për formimin e një skeme profesionale pensionale nga punëdhënësi. Në këtë skemë mund të marrin pjesë vetëm personat që janë të punësuar me marrëdhënie të rregullt pune në kompaninë që ka krijuar skemën profesionale pensionale.Me organizimin e një skeme pensionale brenda fondit pensional vullnetar, kompanitë mund të përfitojnë disa avantazhe, si përfshirja e këtij produkti në sistemin e shpërblimit të punonjësve dhe përfitimi i lehtësirave tatimore sipas Ligjit për Tatimin mbi Fitimin.Shpenzimet mbi bazën e kontributit të paguar në fondin pensional vullnetar gjatë një viti kalendarik janë të njohura si shpenzime të zbritshme tatimore, deri në shumën e dy pagave bruto mesatare mujore të paguara vitin e kaluar në RMV. Si mund të zëvendësoj Zarfin e Gjelbër me njoftim përmes email-it?Nëse jeni anëtar i shtyllës së dytë pensionale, mund të zgjidhni një mënyrë më të lehtë dhe më të përshtatshme për të pasur informacion të plotë mbi gjendjen e mjeteve në llogarinë tuaj individuale, duke marrë raportin tuaj përmes email-it. Këtë mund ta bëni thjesht duke plotësuar Formularin për njoftim të anëtarëve përmes postës elektronike, i cili duhet dorëzuar te shoqëria juaj pensionale.Metodën e marrjes së raportit mbi gjendjen e mjeteve në llogarinë individuale mund ta ndryshoni edhe me një telefonatë në shoqërinë pensionale ku jeni anëtar. Çfarë do të ndodhë me paratë e mia nëse falimenton shoqëria pensionale ku kursej për pension?Llogaria e shoqërisë pensionale nuk është e lidhur me llogaritë e anëtarëve në fondet pensionale të financuara me kapital, pra mjetet e anëtarëve ruhen në një Bankë Kujdestare. Në rast falimentimi të një shoqërie pensionale, Agjencia për Mbikëqyrjen e Sigurimit Pensional të Financuar me Kapital – MAPAS, merr përsipër administrimin e atij fondi.
Lexo më shumëIu përgjigjemi pyetjeve tuaja – pjesa e parë
Përgjigje ndaj pyetjeve më të shpeshta rreth pensioneve Iu përgjigjemi pyetjeve më të shpeshta që kemi marrë përmes formularit tonë digjital "Bëj pyetje për shoqëritë pensionale". Pavarësisht nëse bëhet fjalë për verifikimin e mjeteve të kursyera, zgjedhjen e një shoqërie pensionale apo kuptimin e përparësive të shtyllave të ndryshme pensionale, besojmë se këto përgjigje do t’ju ndihmojnë të merrni vendimet më të mira për të ardhmen tuaj. Si mund të kontrolloj sa mjete kam kursyer deri tani për pension?Verifikimin e mjeteve tuaja të kursyera deri tani mund ta bëni duke kontaktuar shoqërinë pensionale që menaxhon fondin pensional në të cilin jeni anëtar. Gjithashtu, mund të kërkoni qasje digjitale në llogarinë tuaj pensionale për të pasur informacion në çdo kohë. Triglav Shoqëria Pensionale SHA Shkup Sava Shoqëria Pensionale SHA Shkup KB Shoqëria e Parë Pensionale SHA Shkup Si mund të bëhet një kalkulim i thjeshtë për pensionet?Një nga pyetjet më të shpeshta lidhet me mënyrën se si mund të bëni një kalkulim të pensionit tuaj. Për shembull: Nëse depozitoj 30,000 denarë në muaj për 15 vite, sa pension do të marr? Përgjigjja është se një projeksion më të saktë për kalkulimin e pensionit nga sigurimi pensional i financuar me kapital mund ta merrni duke kontaktuar shoqërinë pensionale në të cilin jeni anëtar/e ose dëshironi të bëheni. Si mund të zgjedh shoqërinë pensionale që do të menaxhojë pensionin tim?Pas punësimit të parë, FSPI ju cakton përkohësisht në mënyrë rastësore në njërën nga tre shoqëritë pensionale. Nëse nuk ju pëlqen caktimi i bërë, brenda 90 ditëve keni të drejtë të lidhni marrëveshje me shoqërinë pensionale që dëshironi të menaxhojë mjetet tuaja. Gjatë zgjedhjes së shoqërisë pensionale, këshillohet të kontaktoni të gjitha shoqëritë, të njiheni me shërbimet që ofrojnë, me ekipin që menaxhon mjetet tuaja dhe me historikun e shoqërisë. Kur dhe si mund të shfrytëzohen mjetet e paguara në shtyllën e dytë pensionale?Të gjitha detajet për shtyllën e dytë pensionale, përfshirë kushtet për shfrytëzimin e mjeteve të kursyera, mund t’i gjeni në këtë lidhje. Çfarë përparësish ofron shtylla e tretë krahasuar me kursimet në bankë, depozitë apo sigurim jetësor?Fondi pensional vullnetar është një lloj i veçantë produkti financiar dhe ndryshon nga depozitat bankare apo sigurimi jetësor. Sigurimi pensional vullnetar i financuar me kapital ka për qëllim kryesor plotësimin e pensionit nga shtylla e parë dhe e dytë. Mjetet në shtyllën e tretë investohen në periudhë afatgjatë për të arritur një kapitalizim më të lartë të shumës së ndarë nga anëtari. A do të harmonizohen pensionet për ata që do të dalin në pension pas marsit 2025?Pjesa e pensionit që lidhet me shtyllën e parë harmonizohet sipas të gjitha rregullave ligjore për harmonizim. Për ata që do të dalin në pension pas datës së harmonizimit në mars 2025, harmonizimi i parë do të bëhet në datën e ardhshme të harmonizimit, pra nuk do të përfitojnë harmonizimin në mars 2025. *Pjesë nga LIGJI PËR NDRYSHIMIN DHE PLOTËSIMIN E LIGJIT PËR SIGURIMIN PENSIONAL DHE INVALIDOR, Neni 18, paragrafi 3 (Gazeta Zyrtare e RMV, nr. 193, datë 18.9.2024): “Më 1 mars 2025 të gjitha llojet e pensioneve të realizuara sipas këtij ligji deri më 28 shkurt 2025 do të rriten me 2,500 denarë.”
Lexo më shumëShtylla e tretë pensionale – një mjet fleksibël për një stabilitet më të madh financiar
Për të siguruar mirëqenien financiare në afat të gjatë, ne duhet të mendojmë për kursimet tona nga sot, dhe shtylla e tretë pensionale ofron pikërisht këtë - mundësinë për të marrë më shumë kontroll mbi financat e ardhshme. Ç’është shtylla e tretë pensionale? Shtylla e tretë është pjesë e sistemit të pensioneve vullnetare në Maqedoninë e Veriut, e dedikuar për ata që dëshirojnë të plotësojnë kursimet e tyre pensionale përtej shtyllës së parë dhe të dytë. Ndryshe nga shtylla e dytë që është e detyrueshme, pjesëmarrja në shtyllën e tretë varet tërësisht nga ju. Ideja kryesore është e thjeshtë: ju ose punëdhënësi juaj (duke organizuar një skemë pensionesh profesionale) mund të bëni kontribute vullnetare në një llogari private pensioni, nga e cila fondet e investuara më pas investohen për të rritur kursimet tuaja me kalimin e kohës. Çdo person nga mosha 15 deri në 70 vjeç mund të anëtarësohet në një fond pensioni vullnetar. Këtu përfshihen studentët, të vetëpunësuarit dhe madje edhe të papunët. Në fakt, nëse doni të filloni të ndërtoni kursime për vitet tuaja të mëvonshme, shtylla e tretë ju jep këtë fleksibilitet. Pse është e dobishme t’i bashkoheni shtyllës së tretë? Përfitimi primar i shtyllës së tretë pensionale është fleksibiliteti. Nuk ju kërkohet të bëni pagesa të rregullta. Mund të depozitoni sa të doni, sa herë që ju përshtatet. Kjo është veçanërisht e dobishme për ata që kanë të ardhura të luhatshme nga puna e pavarur, ose ata që duan të plotësojnë kursimet e tyre të detyrueshme pensionale pa u përkushtuar ndaj shumave ose orareve specifike të pagesave. Për më tepër, shtylla e tretë ofron një kontroll të madh të investimeve. Mjetet që vendosni në fondin tuaj të pensionit vullnetar menaxhohen në mënyrë aktive nga kompanitë e pensioneve, me fokus në arritjen e rritjes afatgjatë. Fondet zakonisht investohen në opsione të sigurta si obligacionet e qeverisë, obligacionet e korporatave dhe depozitat bankare, të cilat ofrojnë stabilitet dhe kthime me kalimin e kohës. Si mund t’i qaseni mjeteve tuaja? Një nga karakteristikat më tërheqëse të shtyllës së tretë prensionale është fleksibiliteti në mënyrën se si mund të përdorni kursimet tuaja. Ju mund të filloni tërheqjen e fondeve 10 vjet përpara moshës së pensionit, që do të thotë në 52 për gratë dhe 54 për burrat. Kur vjen koha për të tërhequr kursimet tuaja, keni disa opcione: Tërheqjet e programuara: Kjo ju lejon të tërheqni mjetet tuaja në shuma më të vogla, duke shpërndarë pensionin tuaj me kalimin e kohës. Anuitetet: Mund të zgjidhni anuitetet e përjetshme, të cilat ju garantojnë të ardhura të rregullta deri në fund të jetës. Pagesat e njëhershme ose të shumëfishta: Nëse dëshironi t’iu qaseni kursimeve tuaja në një ose disa shuma më të mëdha, e keni lirinë për ta bërë këtë. Ose kombinim të alternativave të mëparshme. Për më tepër, mjetet tuaja në shtyllën e tretë janë të trashëgueshme. Nëse ju ndodh diçka, paratë që keni kursyer do të shkojnë për të më të afërmit tuaj. Dhe nëse bëheni të paaftë përpara daljes në pension, do të keni mundësi t’I qaseni mjetevetuaja më shpejt, duke siguruar një rrjedhë tjetër të rëndësishme të të ardhurave. Pse është e rëndësishme shtylla e tretë për të rinjtë? Për shumë të rinj, fleksibiliteti është kyç. Shtylla e tretë ju jep mundësinë për të kursyer për më shumë mjete në ditët e pensionit, për pension të parakohshëm ose për të lënë një trashëgimi për familjen tuaj. Edhepse pensioni mund të duket i largët, sa më gjatë të kurseni, aq më shumë mund të rriten investimet tuaja. Duke dhënë kontribute të vogla në shtyllën e tretë në fillim të karrierës suaj, do t'i jepni parave tuaja kohë për të punuar për ju. Mendoni për atë si një plan kursimi fleksibël dhe afatgjatë, të cilin mund ta përshtatni sipas nevojave tuaja, duke ju ndihmuar të krijoni siguri financiare që plotëson pensionet e detyrueshme në të cilat veçse po kontribuoni. Me shtyllën e tretë të pensioneve, e ardhmja është vërtet në duart tuaja. Filloni të kurseni tani dhe shijoni lirinë e cila vijon me stabilitetin financiar.
Lexo më shumëShtylla e dytë pensionale – zgjidhje optimale për një sistem të qëndrueshëm pensional
Nëse jeni në fillim të karrierës suaj, pensioni mund të duket si një koncept i largët. Por e vërteta është se sistemi pensional maqedonas kërkon që ju të merrni vendimet e para për pensionin tuaj të ardhshëm që nga punësimi juaj të parë. Koha e daljes në pension do të vijë shumë më shpejt se sa mendoni, dhe atëherë do të jetë shumë e rëndësishme për ju se sa pension do të keni në dispozicion. Kjo është arsyeja pse ju duhet të edukoheni për sistemin tonë pensional dhe të filloni të merrni vendime të informuara. Në Maqedoninë e Veriut, sistemi i pensioneve është i strukturuar në tre shtylla, ku shtylla e dytë është një sistem i detyrueshëm i krijuar posaçërisht për të siguruar kursimet tuaja personale në pension. Ç’është shtylla e dytë pensionale? Shtylla e dytë pensionale është pjesë e sistemit të detyrueshëm pensional, respektivisht sigurimi i detyrueshëm pensional i financuar nga kapitali. Ajo futet si plotësuese e shtyllës së parë, e cila funksionon mbi bazën e solidaritetit të gjeneratave. Shtylla e parë mbështetet në modelin "Pay-As-You-Go", që do të thotë se punëtorët e sotëm kontribuojnë për financimin e pensioneve të pensionistëve aktualë. Kjo funksionon mirë kur ka punësim të plotë, por me një popullsi në plakje dhe dinamikë ekonomike në ndryshim, shtylla e dytë është një komponent i rëndësishëm në garantimin e sigurisë financiare për të ardhmen tuaj dhe të ardhmen e të gjithë sistemit pensional. Nga aty, të gjithë ata që janë punësuar për herë të parë nga data 01.01.2019, nën moshën 40 vjeç, janë anëtarë të detyrueshëm në shtyllën e dytë pensionale. Një pjesë e kontributeve tuaja pensionale, përkatësisht 6% e pagës suaj bruto, drejtohet automatikisht në llogarinë tuaj personale individuale në një fond pensioni privat sipas zgjedhjes suaj. Fillimisht do të ndaheni në një nga shoqëritë pensionale në mënyrë të rastësishme. Brenda tre muajve nga punësimi juaj, ju keni lirinë të zgjidhni kompaninë pensionale që do të menaxhojë mjetet tuaja. Si funksionon shtylla e dytë? Kontributet në llogarinë tuaj të shtyllës së dytë pensional investohen në mënyrë aktive nga kompanitë profesionale pensionale në instrumente të ndryshme financiare siç janë obligacionet e qeverisë, obligacionet korporative ose fondet e investimeve me rrezik të ulët. Qëllimi është që kursimet tuaja të rriten me kalimin e kohës, në mënyrë që kur të dilni në pension, fondet e grumbulluara së bashku me kthimet nga këto investime të mund të sigurojnë një burim të qëndrueshëm të ardhurash. E thënë thjesht, kursimet tuaja në shtyllën e dytë janë pronë juaj personale. Kjo është ndryshe nga shtylla e parë, ku kontributet grumbullohen për të mbështetur të gjithë pensionistët. Paratë e kursyera në llogarinë tuaj të shtyllës së dytë janë ekskluzivisht për ju dhe kthimet nga këto investime do të përcaktojnë masën e pensionit që do të merrni kur të dilni në pension. Çfarë ndodh kur dilni në pension? Kur e plotësoni moshën e daljes në pension (64 për burrat dhe 62 për gratë) dhe keni të paktën 15 vite përvojë pune, ju keni të drejtën e pensionit të pleqërisë dhe filloni të merrni përfitime pensionale nga shtylla e parë dhe e dytë. Kontributet në llogarinë tuaj të shtyllës së dytë do të kombinohen me pensionin tuaj shtetëror të shtyllës së parë, duke siguruar një bazë më të fortë financiare për vitet tuaja të pensionit. Gjatë pensionimit, ju keni mundësinë të vendosni se si dëshironi të përdorni mjetet tuaja të akumuluara nga shtylla e dytë: Tërheqjet e programuara: Ata ju lejojnë të tërhiqni rregullisht një shumë të caktuar të kursimeve tuaja të pensionit përjetësisht sipas matematikës aktuariale dhe jetëgjatësisë, duke ju dhënë më shumë fleksibilitet në menaxhimin e parave tuaja. Tërheqjet e programuara të përkohshme të kombinuara me një anuitet të shtyrë përjetësisht: Ky opcion ju lejon që fillimisht të merrni pagesa të qëndrueshme nga kompania juaj pensionale, e ndjekur nga një të ardhur të garantuar gjatë gjithë jetës më vonë nga një institucion i autorizuar pagues i anuiteteve. Blerja e anuitetit momental të përjetshëm: Ky opcion ofron një rrjedhë të besueshme të të ardhurave gjatë gjithë jetës. Është e rëndësishme të theksohet se nuk do të keni qasje deri tek paratë në llogarinë tuaj të shtyllës së dytë derisa të dilni në pension, por kjo ofron një shtresë shtesë të vlefshme sigurie për të plotësuar pensionin tuaj të shtyllës së parë. Pse është e rëndësishme për ju shtylla e dytë? Paratë në shtyllën e dytë janë pronë juaj personale e cila nuk mund t'i nënshtrohet përmbarimit. Fondet grumbullohen në të për të gjithë jetën tuaj të punës dhe do të rriten sipas politikave të tyre të investimit të kompanisë suaj pensionale. Këto fonde janë të trashëgueshme dhe do të rriten me kalimin e kohës në një shumë që duhet t'ju lejojë ditë qeta pensionale. Për këtë arsye, çdo vendim që merrni për vendin ku jeni anëtar, kur kaloni anëtarësimin nga një fond i detyrueshëm në tjetrin, se cilin modelitet pensional do ta zgjidhni, ta bëni gjithmonë plotësisht të informuar dhe në kontakt vetëm me agjentët e licencuar të shoqërive pensionale.
Lexo më shumëRREGULLAT E KONKURSIT TË VIZATIMIT PËR FËMIJË NË PENZIJA.MK
RREGULLAT E KONKURSIT TË VIZATIMIT PËR FËMIJË NË PENZIJA.MK - “Mbro paratë e tua, siguro të ardhmen tënde” Pravila-za-detski-likoven-konkurs-2024-Alb-1Преземи
Lexo më shumëAgjencia MAPAS dhe shoqatat pensionale vazhdojnë në mënyrë aktive me aktivitete edukative gjatë muajit mars të cilat lidhen edhe me kremtimin e Javës Globale të Parasë 2024, duke iu referuar temës së sivjetme: “Mbroji paratë tua, mbroje ardhmërin tënde”
Agjencia për Mbikëqyrje të Financimit Kapital të Sigurimit Pensional - MAPAS, vazhdon në kontinuitet me aktivitetet e saja edukative për të rinjtë dhe gjatë muajit mars dhe Javës Globale të Parasë 2024, në bashkëpunim me shoqatat pensionale “KB Shoqëria e parë pensionale SHA Shkup”, “SAVA Shoqëria Pensionale SHA –Shkup” dhe “Triglav Shoqëria Pensionale SHA –Shkup” do të realizojnë disa aktivitete për ngritjen e ndërgjegjësimit financiar për nevojën e edukimit të vazhdueshëm financiar në mënyrë që të merren vendime të sakta financiare dhe të menaxhohen me sukses financat personale dhe buxheti i familjes. Ndërgjegjësimi i lartë financiar është baza për marrjen e vendimeve të sakta financiare që ndikojnë në cilësinë e jetës dhe garantojnë siguri financiare dhe ditë më të sigurta pensioni në të ardhmen. Njohja e avantazheve të kursimeve afatgjata dhe investimi i duhur është çelësi i sigurisë në të ardhmen dhe për këtë qëllimi ynë synon edukimin e qytetarëve dhe të rinjve që në moshë të re për përfitimet dhe mundësitë e sigurimit pensional të detyrueshëm dhe vullnetar të financuar me kapital. Fushata edukative me temën "Mbroji paratë tua, mbroje ardhmërin tënde" fokusohet në nevojën e ndërgjegjësimit për planifikimin e duhur dhe kursimin afatgjatë të financave personale që në moshë të hershme dhe forcimin e ndërgjegjësimit për sigurimin e ditëve më të sigurta të pensionit. Aktivitetet edukative gjatë muajit mars dhe gjatë javës globale të parasë këtë vit do të zhvillohen kryesisht përmes realizimit të një konkursi artistik për fëmijët e moshës 4-14 vjeç, ligjeratave edukative me prezencë fizike dhe përmes publikimit të materialeve edukative në faqet e internetit dhe rrjetet sociale të institucioneve. Ligjeratat do të jenë të destinuara për studentët e shkollave të mesme dhe kolegjeve nga vendi ynë me tema nga fusha e financave dhe sistemi i pensioneve, me qasje të veçantë në sigurimin pensional të financuar nga kapitali. Fushatën edukative e nisim më 03. 04. 2024 duke shpallur KONKURS ARTI për të gjithë fëmijët shtetas të Republikës së Maqedonisë së Veriut të moshës 4 deri në 14 vjeç si aktivitet edukativ për shënimin e "JAVËS GLOBALE TË PARASË 2024"”. Më shumë informata rreth aktiviteteve edukative në faqen: https://penzija.mk/
Lexo më shumëSi të balanconi kursimet e pensionit me qëllime të tjera financiare
Kujdesi për financat personale nuk është aspak një detyrë e lehtë. Por është jashtëzakonisht e rëndësishme dhe e pashmangshme. Këtë leksion ia përsërisim vetes sa herë na mbarojnë paratë para fundit të muajit. Kjo është arsyeja pse është koha e duhur për t'i dhënë vetes një llogari kursimi. Dhe si të lëmë mënjanë fonde për kursime përveç të gjitha shpenzimeve të tjera? Hapi i parë është përcaktimi i qëllimeve që duam të arrijmë. Balancimi i kursimeve të pensionit me qëllime të tjera financiare, të tilla si shlyerja e borxhit, kursimi për një shtëpi të re ose rinovimet, mund t'ju ndihmojë të arrini një plan financiar më efikas. Për t'ju dhënë një kohë të tashme më të mirë në procesin e krijimit të një të ardhmeje më të mirë, do të ndajmë disa këshilla për të arritur një bilanc financiar efikas: 1. Identifikoni qëllimet tuaja financiare Hapi i parë në balancimin e kursimeve tuaja pensionale dhe qëllimeve të tjera financiare, është të identifikoni se cilat janë ato synime - shlyerja e kredive, kursimi për një shtëpi ose automjet, ndërtimi i një fondi personal emergjence ose financimi i arsimimit të fëmijëve tuaj. Bëni një listë të qëllimeve tuaja financiare dhe renditini ato sipas rëndësisë. 2. Përcaktoni prioritetet tuaja Pasi të keni identifikuar qëllimet tuaja financiare, është e rëndësishme të përcaktoni prioritetet tuaja. Kjo do të thotë të vendosni se cilat objektiva duhet të punoni menjëherë dhe cilat mund të presin. Për shembull, nëse keni borxh të kartelës së kreditit me interes të lartë, ka kuptim t'i jepni përparësi pagimit së saj përpara se të rritni kursimet tuaja të pensionit. Nga ana tjetër, nëse nuk keni shumë borxhe, është e dobishme të përqendroheni në rritjen e kursimeve tuaja të pensionit sa më shpejt të jetë e mundur. 3. Bëni buxhetin Krijimi i një buxheti është hapi thelbësor për të arritur një plan të mirë financiar. Kjo ju lejon të shihni se ku po shkojnë paratë tuaja dhe të bëni përshtatje sipas nevojës. Kur krijoni buxhetin tuaj, sigurohuni që të përfshini kontributet tuaja të kursimeve të pensionit dhe qëllime dhe nevoja të tjera. Kjo do t'ju ndihmojë të shihni se sa mund të përballoni realisht për të kontribuar për çdo qëllim. 4. Automatizoni kursimet tuaja Një mënyrë për të siguruar që të balanconi kursimet dhe qëllimet tuaja financiare është të automatizoni kursimet tuaja. Vendosni transferta automatike në llogaritë e pensionit dhe qëllime të tjera kursimi çdo muaj. Në këtë mënyrë ju do të kurseni vazhdimisht dhe rregullisht për të gjitha qëllimet tuaja pa menduar për këtë. 5. Kontrolloni rregullisht planin tuaj Është shumë e rëndësishme të rishikoni rregullisht planin tuaj financiar. Prioritetet dhe qëllimet tuaja mund të ndryshojnë me kalimin e kohës dhe buxheti juaj mund të duhet të përshtatet në përputhje me rrethanat. Rishikoni planin tuaj të paktën një herë në vit për t'u siguruar që jeni në rrugën e duhur për të përmbushur të gjitha qëllimet tuaja financiare. Kursimet e pensionit duhet menduar dhe punuar sa më shpejt që të jetë e mundur, për t'i dhënë kohë të rriten në një shumë që do t'ju sjellë siguri në ditët tuaja të pensionit. Dhe për të siguruar mundësinë e kursimeve të vazhdueshme dhe të qëndrueshme, është e dëshirueshme të bëhet një plan për balancimin e qëllimeve financiare. Lexoni këtu pse është e rëndësishme të filloni të mendoni për të investuar në pensionin tuaj që nga sot.
Lexo më shumëPse duhet sot të mendoni për të investuar në pensionin tuaj?
Dalja në pension është diçka që shumë njerëz e presin me padurim dhe e imagjinojnë si kohë të lirë për veten dhe njerëzit e dashur, pa ritmin e shpejtë dhe shqetësimet që i mundojnë sot. Por jo të gjithë marrin hapat e nevojshëm për t'u përgatitur për një pension pa brenga. Marrja e këtyre llojeve të vendimeve kërkon një angazhim paraprak ndaj arsimimit dhe hulumtimit, kështu që shtyrja e vendimit duket shumë më e lehtë, veçanërisht kur jeni të ri dhe sapo filloni karrierën tuaj. Megjithatë, e vërteta është se sa më herët të filloni të investoni në pensionin tuaj, aq më të sigurt do të jeni financiarisht në vitet tuaja të mëvonshme. Dhe kur bëhet fjalë për arsimimin, ne jemi këtu për t'ju ndihmuar të kuptoni sistemin pensional dhe të krijoni një të ardhme të qëndrueshme për veten tuaj. A e dini se sa mjete ju nevojiten për ditët pensioniste? Shumë njerëz e nënvlerësojnë sasinë e parave që do t'u nevojiten për të financuar pensionin e tyre dhe supozojnë se do të kenë të ardhura të mjaftueshme për të mbuluar shpenzimet e tyre. Megjithatë, realiteti është se ekziston mundësia që fondet nga pensioni bazë të mos mjaftojnë për t'ju siguruar një jetë komode. Kjo është arsyeja kryesore pse është e rëndësishme të filloni të mendoni që sot për të investuar më shumë në pensionin tuaj. Avantazhet e kursimit për daljen në pension në kohë 1. Koha është në anën tuaj Një nga avantazhet më të mëdha të fillimit të investimit për pension është fuqia e kohës. Kjo do të thotë, sa më gjatë të keni dhe të rimbushni kursimet tuaja, aq më shumë fonde do të siguroni me kalimin e kohës. Sa më gjatë të qëndrojnë paratë tuaja të investuara, aq më shumë kohë duhet të rriten. 2. Jetë më e mirë gjatë pensionit Një arsye tjetër për të filluar sot të investoni në pensionin tuaj është cilësia e jetës që do ta mundësoni pa një plan solid të kursimit dhe në kohë, ato vite mund t’ju kalojnë duke u shqetësuar për mbulimin e shpenzimeve bazike të jetesës. Fillimi i hershëm dhe kursimi i vazhdueshëm për daljen në pension mund t'ju ndihmojë të siguroheni që të keni para të mjaftueshme për të shijuar një pension të rehatshëm. 3. Nuk do të gaboni nëse filloni menjëherë Pavarësisht nëse sapo filloni ose po i afroheni moshës së pensionit, nuk është kurrë herët (ose tepër vonë) për të filluar të investoni në të ardhmen tuaj. Çdo shtesë në pension do të thotë një hap më afër për të shijuar ditët e pensionit pa brenga. Fondet pensionale vullnetare janë themeluar me qëllim që qytetarëve t'u mundësohet plotësimi i pensionit nga shtylla e parë dhe e dytë pensionale dhe për të siguruar të ardhura shtesë për pleqërinë. Filloni të investoni herët dhe bëni planifikimin e daljes në pension një nga prioritetet tuaja. Do të faleminderoni veten për këtë vendim për vitet në vijim.
Lexo më shumë